浸大師生登入 訪客登入
簡體 | 繁體 | ENG
 
@B
浸大職員

   
@B這個名字正好貼切地形容筆者與「浸會」的一段不解緣。

自幼@B的人生已巧妙地與「浸會」連繫上。小時在香港浸會醫院出世,十歲受浸於浸信會。其後,@B分別於浸信會呂明才中學和香港浸會大學完成中學及大學課程。自零五年大學畢業後,@B有感自己的足跡應遍佈「浸會」的每一個角落,因此她選擇回饋她的母校浸會大學,在此開展她的人生新一章。


  更多分類  
我的專業 (19)
校園生活 (41)
生活分享 (6)
旅遊日誌 (0)

校園內嘆社企咖啡
夢比樓更遠
思語 • 匯言
原來我成日與「藝術同行」
旺角都有飄色睇?

夢比樓更遠
2012-11-14 16:22:45.0 網誌分類: 我的專業
 



曾幾何時,我同好多香港年輕人一樣,覺得大學畢業好幾年,係時候離家獨立,買番間三、四百呎屋仔,諗住有自己個竇,真係做宅女都方便d。但最後,呢個諗法都無付諸實行。一方面係樓市爆升完一浪又一浪,已經超出我個人認為合理既價碼,另一方面,我一諗到買左樓之後,同靚衫靚鞋絕緣都係其次,你知啦,我d咁藝術家性格既人,隨時都有衝動要去浪跡天涯架嘛(呢句唔好比我老闆睇到),但若然背負住銀行樓按呢個終身債務,睇怕從此被困。

估唔到我嘅諗法得到「樓神」endorse!尋日(11月13日)我去左大學嘅「2012年榮譽社會科學博士學位領受人」趙國雄先生公開講座。趙生其實係浸大校友,1971年入讀社會學系,但後來因為佢發起反貪污運動,俾警察拉左去。由於當時嘅浸會學院正在申請政府資助,佢為免影響學校,於是決定一人做事一人當,毅然退學,跟住去左加拿大繼續學業。後來佢係事業上有幾成功都無需多講,但最難得係佢雖然無喺浸大正式畢業,但咁多年黎一直出錢又出力咁支持大學,真係好有情有義。

講番場講座,因為係以「有樓得天下﹖」為題,我估在座大部份人都以為「樓神」梗係又講樓市走勢,但原來佢係想透過呢個題目,同大家分享自己嘅人生觀,同埋探討吓香港嘅價值觀。趙生話佢感受最深嘅,係好多香港人心目中認為「有錢就成功、有樓便出眾」。佢感慨,咁嘅價值觀實在太短視、單元。所以,佢特別喜歡浸大全人教育嘅理念,因為呢個理念鼓勵同學發展多方面嘅潛能,可以喺各行各業作出貢獻,唔一定要投身金融地產、賺好多錢先至為之成功。

而佢今次「說到我心坎裡」嘅話,係奉勸大家如果未準備好,千期唔好急住買樓!趙生話,佢見過好多人買完樓孭上債務之後,生活就剩番喺間屋同office來回奔波呢「兩點一線」。佢認為生活緊絀都算,但最大問題係你會捨棄人生好多可能性。事緣當你要供樓,你就需要份穩定嘅工,唔夠膽轉工,又唔夠膽作出新嘗試;唔敢暫時停工去進修,或者休息一段時間重新上路……。總括而言,唔敢再去「追夢」。

聽到呢到,我內心拍晒手掌。平日我同朋友講類似嘅嘢,往往俾人話我份人不切實際。今次聽「樓神」一席話,終於知道「吾道不孤」。

 


回應 (0)
讚好 (6)
Bookmark and Share








#

  Bookmark and Share  

斐濟之旅 (3) - Nudibranch (海兔)
作者: 鍾姍姍博士

2010-01-15 16:34:14.0

這次在斐濟遇到的海兔(香港的魚謢署叫它們為海牛, 但我還是比較喜歡叫它們為海兔)並不多, 只有三種, 在此與大家分享。 本來還有一幅更清楚的, 不過size太大, 上載不了。

(連載)邱園之美,美在內涵
作者: 趙中振教授

2009-10-08 16:26:48.0

     邱園創造了許多世界第一,在植物王國鰲頭獨佔。     這裡有750萬份乾燥壓制的植物標本,品種涵蓋世界植物種的






使用條款網誌主頁浸大主頁聯絡我們 2009 香港浸會大學 版權所有 〡私隱聲明
本網頁以 Microsoft Internet Explorer 6.0 和 Netscape 7.0 或以上瀏覽器閱讀效果最佳