浸大師生登入 訪客登入
簡體 | 繁體 | ENG
 
@B
浸大職員

   
@B這個名字正好貼切地形容筆者與「浸會」的一段不解緣。

自幼@B的人生已巧妙地與「浸會」連繫上。小時在香港浸會醫院出世,十歲受浸於浸信會。其後,@B分別於浸信會呂明才中學和香港浸會大學完成中學及大學課程。自零五年大學畢業後,@B有感自己的足跡應遍佈「浸會」的每一個角落,因此她選擇回饋她的母校浸會大學,在此開展她的人生新一章。


  更多分類  
我的專業 (19)
校園生活 (41)
生活分享 (6)
旅遊日誌 (0)

校園內嘆社企咖啡
夢比樓更遠
思語 • 匯言
原來我成日與「藝術同行」
旺角都有飄色睇?

原來我成日與「藝術同行」
2012-07-17 14:14:02.0 網誌分類: 我的專業
 


好開心,真係好開心。有時我見到路邊一朵花,或者一堆落葉,又甚至落完雨後地上面嘅一攤水,都可以停低,望住佢地發一陣呆。唔理解嘅人,會覺得我好無聊兼傻傻地。但呢日去完一個叫「藝術與藝術教育」嘅座談會,聽完其中一位嘉賓小思(盧瑋鑾教授)嘅說話,我當堂明白,原來我呢個係欣賞藝術嘅行為!

小思話,只要大家每日抽五分鐘出黎,見到草地又好、樹又好,就望住佢地五分鐘,乜都唔使諗,咁就已經係欣賞藝術嘅一種方法。佢提到呢樣嘢係因為,在座講者都認為香港步伐太快,快到根本無辦法孕育好嘅藝術人才同埋創作;而觀眾席上亦有一位浸大同學,講到喺咁匆忙嘅時代步伐下,佢地年輕人即使有心,但硬係唔可以靜落黎欣賞下藝術。於是幾位嘉賓各抒己見,其中小思建議大家試下呢個日本明治維新時期,一個散文家提出「每日五分鐘,細緻品嘗你所睇到嘅自然物」嘅方法,佢話自己都成日咁做。

好耐無聽過一個咁精彩嘅座談會。其實佢緊接住「藝術同行」計劃啟動禮舉行,講者堪稱星級人馬,小思唔使多講,重有我好喜歡嘅泰迪羅賓,同埋中大建築學院林雲峰教授,加埋教育局李樂華博士、浸大林文傑教授同盧偉力博士三位主持人,接近兩個鐘嘅講座毫無冷場兼火花四濺,包括我在內嘅觀眾都聽得好投入吓。

講返「藝術同行」計劃係乜先。呢個計劃由浸大創意研究院、教育局同香港藝術發展局合辦,根據介紹,目的係希望提升中學生同大學生係藝術欣賞、推廣方面嘅知識同技巧,又希望佢地透過參與藝術活動,培養出服務他人嘅精神。呢日坐滿大半場嘅後生仔女,就係廿幾個浸大學生「指導師」,同埋九十位中學「校園藝術大使」。喺黎緊一年,指導師會分組帶校園藝術大使參加活動同埋參觀藝術展覽。到最後,佢地更加會一齊做個結業展覽,展出個人作品。

唉!如果我細個有啲咁嘅計劃就好啦,以我咁嘅藝術天份,有人指導下,一個唔覺意可能大有作為嘛。不過算啦,正如泰迪羅賓話齋,唔一定要識藝術,甚至乎可能唔知嗰樣嘢係咪藝術,總之鍾意、好玩就得,即使純粹係一個欣賞者,覺得開心都已經對身心有好大幫助。好啦,我會繼續「藝術」架啦!

 


回應 (0)
讚好 (3)
Bookmark and Share








#

  Bookmark and Share  

鏡頭下的文學
作者: 文潔華教授

2010-07-19 09:20:11.0

年前好幾齣表現不俗的電影,均改編自文學作品,其中又以如「奇幻逆緣」(The Curious Case of Benjamin Button, 2008) 等沿自短篇小說的演繹較為突出。是因為短篇所提供

典範與風華
作者: 卓有瑞女士

2010-10-11 09:34:11.0

寶藏巖國際藝術村已有兩年沒回台灣了,師大招開「典範與風華:王秀雄教授藝術教學與研究成就國際學術研討會」,王老師點名邀約,本想我寫的都是雜文,非論文之屬不可能參加,後因研討會範圍廣泛,振明主任認可我寫的






使用條款網誌主頁浸大主頁聯絡我們 2009 香港浸會大學 版權所有 〡私隱聲明
本網頁以 Microsoft Internet Explorer 6.0 和 Netscape 7.0 或以上瀏覽器閱讀效果最佳